5 ëmbëlsira të lehta, të shpejta dhe të shijshme

Embelsira-750x500
Nuk keni kohë për të përgatitur një tortë? Ju keni fëmijë dhe ju doni të përgatisni një vakt për zemër të lehtë të shëndetshëm dhe të shijshëm pa ju marrë gjithë pasditen.

Çokollatë, me mollë, me gjizë, kokos apo misër: ëmbëlsira që i realizoni në një kohë të shkurtër, pa sakrifikuar shijen dhe origjinalitetin.

Qumështor dhe çokollatë

Është perfekt për mëngjes, shtoni 300gr sheqer, 3 vezë dhe përzieni. Në këtë përziejrje shtoni 300gr djathë, një majë kripë, 300gr miell të përzier me pluhur pjekjeje dhe 100gr gjalpë të shkrirë.

Përziejeni mirë, shtoni 100gr çokollatë të errët fondente dhe derdheni në një tigan të lyer me vaj dhe të spërkatur me pak miell. Piqeni në 180 gradë C për rreth 1 orë në pjesën e poshtme të furrës.
Para se të hiqni tiganin nga furra, kontrolloni me një kruajtëse dhëmbësh që qendra e tortës të mos jetë e qullët dhe pastaj lëreni të ftohet para se ta prisni në feta.

Byrek me mollë dhe lajthi

Tortë e përsosur për këto ditët e para të vjeshtës. Byrek me mollë mund të përgatitet në shumë mënyra, por ne ju ofrojmë një shumë të thjeshtë për t’u zbatuar. Së pari, qëroni dhe prijini në feta 500gr mollë jeshile. Spërkatini me pak lëng limoni që të mos humbin ngjyrën. Në një tas përzjeni 250gr sheqer me 3 të verdha të vezëve.

Shtoni 75gr gjalpë, të zbutur në temperaturën e dhomës, 300gr miell, një lugë çaji pluhur pjekje, pak lëkurë të grirë limoni dhe të bardhat e vezëve. Shtoni mollët dhe 100gr lajthi të copëtuara. Hidheni përzierjen në një tepsi pjekje, dhe shtojini pak gjalpë nga sipër. Piqeni në 180 gradë C për 45 minuta.

Kek me çokollatë dhe arra

Kjo ëmbëlsirë është e përkryer për mëngjes, por mund të bëhet një ëmbëlsirë e plotë pas një vakti. Përzieni të verdha veze me 150gr sheqer, shtoni 2 lugë miell dhe 100gr gjalpë i shkrirë. Përzijeni me një lugë druri dhe pastaj shtoni 200gr çokollatë të errët fondente të tretur në pak qumësht dhe 100gr arra të grimcuara.

Me një mikser elektrik trazoni derisa të ngurtësohen të bardhat e vezëve dhe shtoni ato në përzierje, duke u siguruar që të mos prishen. Hidhni përzierjen në një fletë pjekjeje dhe piqeni në 200 gradë C për 15-20 minuta. Para se ta hiqni tortën nga furra kontrolloni mesin me një kruajtëse dhëmbësh si është gatuar.

Kek me kokos

E butë dhe delikate, kjo tortë është e përkryer për mëngjes. Përzieni në një tas me një mikser elektrik 3 të verdha veze me 150gr sheqer, pastaj shtoni 150gr arrë kokosi, 50gr niseshte, 2 lugë maja, 75ml vaj luledielli dhe 100ml qumësht.

Përzieni në një tas të bardhat e vezës derisa të mpiksen. Hidhni përzierjen në një tepsi prej 24 cm, të lyer me galpë dhe miell dhe piqeni në 180 gradë C për 30 minuta. Lëreni të ftohtë para se ta shërbeni.

Ëmbëlsirë Vareze

Kjo tortë është quajtur kështu për shkak se ajo është tipike e qytetit të Varezes.

Është një ëmbëlsirë e thjeshtë e bërë nga përbërës të thjeshtë, të tilla si miell misri, dhe aroma e saj ëshë shumë e mirë, duke e shërbyer tani kryesisht për të shoqëruar çajin pasdite.

E thjeshtë për t’u zbatuar, kjo është një ëmbëlsirë që gjithashtu i plotëson shijet e më të vegjëlve. Për t’a përgatitur vendosni në një tas 100gr gjalpë të shkrirë në temperaturën e dhomës dhe 120gr sheqer.

Shtoni dy vezë dhe miksojeni. Shtoni dy lugë maja për ëmbëlsira, vanilje, 100gr miell misri, 80gr miell 00 dhe 70gr miell bajame. Përzijeni mirë dhe pastaj derdhni përzierjen në një formë special të lyer me gjalpë. Piqeni në 180 gradë C për 40 minuta dhe më pas hiqeni nga furra dhe lëreni të ftohet. Ju mund t’a shërbeni tortën Vareze duke e spërkatur me krem ​​ose pa të. Ju bëfshin mirë!